أسئلة رخمة أوى بس كلنا بنتسألها خش وأعرف ازاى تجاوب عليها

من طرف moon 2008-07-05, 11:05 am

خلـينـــا نشــوف أمثلة

**إنت في أوضتك .. على السرير وطافي النور ومتغطي
ييجي أخوك الظريف ويفتح الباب عليك ويقول : ايه ده انت هتنام ولاّ ايه ؟
(( أظن ده مش وضع الرقص !!! واضح ان انا هنام ))

ــــــــــــــــــــــــــــــــــــــــــــــــــ ــــــــــــــــــــــــــــــــــــ

**انتم معزومين عند ناس ورحتوا لبيتهم وأول ما فتحوالكوا الباب يقول ابنهم الصغير:
انتوا جيتــواااااااااااااااا ؟
(( لا لسه ))

ــــــــــــــــــــــــــــــــــــــــــــــــــ ــــــــــــــــــ

**انت لابس هدومك و متأنتك و على سنجة عشرة وريحة البارفان واصله لاخر الشارع .. وخلاص بتفتح باب الشقة,, يجي حد من أهلك وينادي بصوت عالي : انت خااااارج ولاّ اييييييييييه
(( !!! لاء دانا لسه راجع ))

ــــــــــــــــــــــــــــــــــــــــــــــــــ ــــــــــــــــــ

**أو مثلا راكب العربية ودوّرتها وخلاص هتطلع ... يجيلك لك البواب ويخبطلك على الزجاج,, انت بكل ذوق تفتح الزجاج وتقوله : خير في حاجة؟
يقولك : انت رايح الشغل يابيه ؟
(( لا.. العربية وحشاني ))

ــــــــــــــــــــــــــــــــــــــــــــــــــ ـــــــــــــــــــ

**ماسك مذكرة أو كتاب وقاعد تحفظ ومتحمس (أول مره بقى) .. جه حد وقالك: هاه.. قاعد تذاكر ؟
(( تقوم رامي الكتاب و تقوله لااااااااء ))

ــــــــــــــــــــــــــــــــــــــــــــــــــ ـــــــــــــــــــــــــ

** ماسك سماعة التلفون وقاعد تضغط على الارقام ييجي حد من أهلك ويقولك: انت هتتكلم في التليفون ؟
(( لا.. بتفرّج عليه ))

ــــــــــــــــــــــــــــــــــــــــــــــــــ ــــــــــــــــــــــــ

**ربنا هاديك كده ... ماسك سبحة و عمال تسبّح ، ييجي حد من البيت يعدي عليك ويقول: هوّه انت بتسبح ؟
(( لاء.. هفرطها و أتفرج عليها))

ــــــــــــــــــــــــــــــــــــــــــــــــــ ــــــــــــــــــــــ

**ولاّ تعالــوا شوفوا قنواتنا واسئلتهم البديهية البايخة
برنامج اهداءات يتصل واحد يطلب أغنية
ترد عليه ست الكتكوتة (المذيعة) بكل خفه ورشاقة : إنتا بتحب الاغنيّة ديه ولا ايه ؟
(( لاء.. طالبها اخنق على نفسي ))

ــــــــــــــــــــــــــــــــــــــــــــــــــ ــــــــــــــــــــــ

**أو مثلا في العيد
المذيع : هههههه هههههههه هههههه نتعرّف بيك
المواطن : فلان الفلاني
المذيع :هههههه هههههه هههههه بتقول ايه للأهل ههه و صحابك ههه وقرابيك هههه و للناس اللي انت مخاصمهم كمان ؟ هههههه هههههه ههههههه
المواطن : أقولهم كل عام وأنتم بخير
(( أكيد يعني مش هيقولهم البقاء لله ))

ــــــــــــــــــــــــــــــــــــــــــــــــــ ـــــــــــــــــــــــ

**والأسخف بقى ... الشلل الكبير.. لما المذيعين يكلّموا الاطفال
يقول المذيع للطفل : إنت بتحب ماما وبابا ؟
(( يعني أساسي الواد لسه ما طلعلوش عرق الندالة علشان يقول لأ )) أسئلة رخمة أوى بس كلنا بنتسألها خش وأعرف ازاى تجاوب عليها Smile