حكاية العريس الاول
+3
a.tawela
h.NoUR
NODIA
7 مشترك
صفحة 1 من اصل 1
حكاية العريس الاول
من طرف NODIA 2008-07-10, 11:58 am
حلو العنوان كده زي ماكان انور وجدي بيقول في "أمير الإنتقام" ..أصل
الموضوع كله أصلا تحس انه فيلم عربي ..بس اول موضوع ده كان فيلم هندي و
كوميدي كما
واحدة صاحبتي كانت لسه متجوزة قريب و كنت لسه حاضرة فرحها من أسبوعين
..أتصلت بيا تطمن عليا يعني ..كنت لسه سامعه خبر ان واحده من أصحابنا جابت
عريس لواحدة تانية صاحبتنا برضه ..و ده موضوع يضايق قوي على فكرة ..يعني
تفضل الواحده تقول و اشمعنى يعني ماختارتنيش أنا و مش بعيد تقاطعها و
ماتكلمهاش تاني أبدا
أنا بأه مسكت صاحبتي اللي كانت طالباني في التليفون و قعدت أرصلها ,,شايفة
الصحبات ؟..ماطلعش منك انت حاجه زي كده ..أمال مجوزينك ليه؟ مش عشان
تشوفيلنا في اصحاب جوزك والا قرايبه حد ينفع ..و كل شوية صاحبتي دي تحاول
تقاطعني و تسدني و انا ابدا منطلقه زي الصاروخ ..لحد ماراحت موقفاني بصرخه
..يابت اسكتي بأه جوزي بيسمع م السماعه التانية و عايز يتأكد انك كويسة و
رقيقة عشان جايبلك عريس
و في لحظه واحده انقلبت طريقة كلامي 180 درجه و بقيت أرق من أرق واحده
تعرفوها ...انتي صدقتي دانا كنت بهزر معاكي..انتي عارفاني رقيقة طول عمري
..دانا أرق م البت اللي طالعه جديد دي اللي اسمها منى زكي ..و اسمع صوت
جوزها يحاول يكتم ضحكة ع السماعة التانية و هي حساها بتجز على سنانها و هي
بتقوللي عارفه عارفه هو انتي هتقوليلي
المهم اتفقنا على معاد..و لما اقول اتفقنا على معاد يمكن تعدي ع الرجاله
سهلة كده يعني ديتها ايه؟ هيستحمى و هيخلي أمه تغسله القميص و البنطلون و
أخته تكويهومله و يشغل كل اللي خلفوه عشان طلعة أهله البهية ..لكن في بيت
العروسة اللي هيا المفروض انا ..هيييصة ..غسيل للحيطان ..مسح
للأرضية..تنضيف للسجاجيد ..تسييق للسلم..تلميع للكاسات ..تنضيف للستاير و
الشبابيك ..و بعد ده كله متوقع من العروسة بعد كل المجهود المقندل ده انها
تتزوق و نخش عليهم حلوة و بتبرق ..مفهومه بتبرق دي .. عموما البنات
هيفهموا لأنهم عارفين موضوع بتبرق دي بتاخد مجهود أد ايه ...
المهم جه المحروس هو و أهله ..هو دكتور على فكرة ..باضرب بطرف عيني كده
لقيته لابس لبس ..يا سلاااام ..زي مايكون لم اللي ع الحبل كله و لبسه على
بعضه ..و تقريبا كده ماعندهمش مرايا و شكل أمه و أخته عندهم عمى
ألوان..البيه لابس قميص أصفر ..بنطلون أزرق ..بلوفر أخضر ..و فوق ده كله
كرافته كده الصراحه مش عارفه أحدد بالظبط لونه إيه..لأ و استنوا ..جزمة
بني لما اتجعص كده و حط رجل على رجل بصيت لقيت الشراب نبيتي ...آه و
النعمة ..قلت في نفسي مش مشكله بيقولوا الراحل مايعيبوش الا جيبه ..و أهو
يبقى عريس تكني كلر زي التلفيزيون الملون ..مشرق كده و مقبل على
الحياة...هو صحيح ودانه مخاصمه راسه خالص و سنانه بيحبوا بعضهم جدا لدرجة
انهم راكبين فوق بعضيهم ..بس خلقة ربنا يعني ..المهم العقل و الشخصية
أول ما بابا دخل راح واقف ..حلو مؤدب يعني و انطلقت امه تعرفه زي مانكون
في برنامج..الدكتور سامي ..علاج طبيعي ..قام هو مكمل التقديم و قايل ...و
بقلد فنانين....إيه الهبل ده بأااااه ..هو احنا عاملين برنامج مواهب و الا
ده جاي يعمل انترفيو في كبارية..بابا برقله كده و قاله آه أهلا و سهلا
اتفضلوا و بص لماما بصه معناها إيه اللي انتوا جايبينه ده؟
أنا قاعده و ماسكه نفسي م الضحك و ده منطلق بيتكلم على صولاته و جولاته في
عالم التقليد و احنا قاعدين نبص لبعض و امه شكلها منشكح أوي من كلامه ..و
فجأة بص في الساعة و بص لبابا ..بابا خاف ليطلبني دلوقت و هيبقى موقف محرج
أول مرة يتعرضله..لكن ده قاله ..عمي ممكن أسألك حضرتك سؤال و تجاوبني
بصراحة؟..بابا قاله بخوف كده خير يا بني؟..قاله هو التلفزيون ده شغال
؟..بابا فوجئ كده و قالله آه يابني شغال ..فجأه الحليوة ده راح قايم و
فاتح التلفزيون و قعد يقلب في القنوات لحد ما جاب قناه كانت بتزيع ماتش
للزمالك..و احنا قاعدين مذهولين و مش قادرين نعمل حاجه و امه قاعده منشكحه
زي ما هيا..و هوب و صوته علي ..شوت يا عم ..أيوة كده ..يااااه ..الحكم ده
حمار بن كلب ...واحنا قاعدين ..ماما حبت تحرجوا بالذوق كده و قالتله ..و
الله يا دكتور انا مش عارفه انت ازاي بتابع الكورة دي اليومين دول ..ده
حتى الزمالك بقاله مده مش كويس خالص
الواد فجأة سكت و لف كده لماما بالتصوير البطئ..و عينيه احمرت لدرجة ان
ماما كشت في مكانها ..و ده راح رافع الجعورة ..لاااااا ..بقولك ايييييه
..إلا الزمااالك ..اتكلمي براحتك على أي حد ..على امي على أبويا عليا أنا
شخصيا لكن الزمالك لألألأ ..فاهمه ..قومي يا ماما ..أنا لا يمكن أدخل بيت
الزمالك بيتهان فيه
يابن 60 في 70..أكن احنا معديينلك البلاوي اللي انت لابسها و السخافات
اللي عمال تقولها عشان تبقى أخرتها كده ؟....كلنا فضلنا متسمرين مكاننا
بابا يبص لماما و مش قادرين حتى يقوموا من مكانهم وانا الأول اتحرق دمي و
بعدين وقعت ع الأرض من كتر الضحك..هم يبكي و هم يضحك
الجميل بأه ان صاحبتي جايه تاني يوم تسألني على رأيي قولتلها لأ طبعا انتي
بتستهبلي ..و حكيتلها ع اللي حصل..لقيتها بتقول طب و ايه يعني؟ عادي
ماتبقيش بس تقوليله انك أهلاوية..و لما أصريت ع الرفض..صاحبتي دي قاطعتني
و ما رفعتش عليا سماعة التليفون من يوميها ..إزاي يعني أرفض عريس لقطة زي
ده؟
صحيح إزاي؟
دا بصراحة بصراحة يعنى منقوووووول من سايت
عجبنى قولت اجبهولكو
NODIA- عضو جديد
-
عدد الرسائل : 7
العمر : 33
تاريخ التسجيل : 23/06/2008
رد: حكاية العريس الاول
من طرف h.NoUR 2008-07-10, 12:09 pm
ايوة صحيح ازاي
الي زو خبرة فى الكلام ده يقول ازاي
اما انا بقى علىّ اقول ل نوديا تسلم الايادي يا ستنا
الي زو خبرة فى الكلام ده يقول ازاي
اما انا بقى علىّ اقول ل نوديا تسلم الايادي يا ستنا
h.NoUR- المـديـر العـــام
-
عدد الرسائل : 2880
العمر : 38
تاريخ التسجيل : 07/05/2008 -
NODIA- عضو جديد
-
عدد الرسائل : 7
العمر : 33
تاريخ التسجيل : 23/06/2008
رد: حكاية العريس الاول
من طرف a.tawela 2008-07-10, 1:27 pm
انا مش شايف فيه عيب
وانتي مسكاه من الصبح شمال كده ليه
انا خايف ادخل منتدي تاني القيه بيتكلم عليكي وربنا يستر
ولا اقولك مشكوره علي العريس يا عروسه
وانتي مسكاه من الصبح شمال كده ليه
انا خايف ادخل منتدي تاني القيه بيتكلم عليكي وربنا يستر
ولا اقولك مشكوره علي العريس يا عروسه
a.tawela- مراقب عام
-
عدد الرسائل : 1342
العمر : 43
تاريخ التسجيل : 08/05/2008
good-girl- شخصية هامة
-
عدد الرسائل : 1651
العمر : 29
تاريخ التسجيل : 06/06/2008
رد: حكاية العريس الاول
من طرف top secret 2008-07-12, 7:49 pm
ههههههههههههههه
كتير حلو مشكورة بس انا لو منك اساسا اول ما اشوف شكلة اقولة عن ازنك عشان عندى تمرين ولا هشوف صاحبتى ولا اتاخرت يعنى هتحجج باى حاجة
كتير حلو مشكورة بس انا لو منك اساسا اول ما اشوف شكلة اقولة عن ازنك عشان عندى تمرين ولا هشوف صاحبتى ولا اتاخرت يعنى هتحجج باى حاجة
top secret- عضو نشيط
-
عدد الرسائل : 257
العمر : 30
تاريخ التسجيل : 25/05/2008
h.NoUR- المـديـر العـــام
-
عدد الرسائل : 2880
العمر : 38
تاريخ التسجيل : 07/05/2008 -
رد: حكاية العريس الاول
من طرف NODIA 2008-07-14, 11:47 pm
كمان هى حصلت يروح يكلم عليا فى السيتات التانية
ياخراشووووو
ياخراشوووووو
ميرسى اوى ليكم
ياخراشووووو
ياخراشوووووو
ميرسى اوى ليكم
NODIA- عضو جديد
-
عدد الرسائل : 7
العمر : 33
تاريخ التسجيل : 23/06/2008
رد: حكاية العريس الاول
من طرف lollah.a 2008-07-14, 11:55 pm
وااااااااااااااااااااااااااااااااااااااااااااااااااااااااااااااااااااااااااااااااااااااااااااو
روعة روعة روعة وانا ميتة من الضحك بجد جامدة جداااااااااا
ربنا يخليكي يا نوديا بس هوا اسمك معناه ايه؟؟
روعة روعة روعة وانا ميتة من الضحك بجد جامدة جداااااااااا
ربنا يخليكي يا نوديا بس هوا اسمك معناه ايه؟؟
lollah.a- شخصية هامة
-
عدد الرسائل : 913
العمر : 30
تاريخ التسجيل : 26/05/2008
رد: حكاية العريس الاول
من طرف NODIA 2008-07-15, 12:03 am
هههههههههههههههههههههههههههههههههههههههههههه
ميرسى ليكى يا جميلة
وانا مبسوطة انو عجبك
ونوديا دى ياستى اسم كدة من اختراعى يعنى
ممكن تقولى جاى من نودا
حاجة كدة فانتزيا اسم مستعار يعنى فاهمة انتى
ميرسى ليكى يا لولا نورتى
ميرسى ليكى يا جميلة
وانا مبسوطة انو عجبك
ونوديا دى ياستى اسم كدة من اختراعى يعنى
ممكن تقولى جاى من نودا
حاجة كدة فانتزيا اسم مستعار يعنى فاهمة انتى
ميرسى ليكى يا لولا نورتى
NODIA- عضو جديد
-
عدد الرسائل : 7
العمر : 33
تاريخ التسجيل : 23/06/2008
lollah.a- شخصية هامة
-
عدد الرسائل : 913
العمر : 30
تاريخ التسجيل : 26/05/2008
رد: حكاية العريس الاول
من طرف heba 2008-08-08, 1:49 pm
إزاي يعني أرفض عريس لقطة زي ده ؟
لالالاملكيش حق خاااااالص ازاي ده يحصل هههههههههههه
حد لاقي عريس زي ده ولا حد لاقي عرسان اصلا ههههههه
تسلم ايدك ياقمر
لالالاملكيش حق خاااااالص ازاي ده يحصل هههههههههههه
حد لاقي عريس زي ده ولا حد لاقي عرسان اصلا ههههههه
تسلم ايدك ياقمر
heba- مشرفة
-
عدد الرسائل : 461
العمر : 35
تاريخ التسجيل : 16/07/2008
رد: حكاية العريس الاول
من طرف h.NoUR 2008-08-08, 3:01 pm
هههههههههههه
صح وكمان ما في عروسات ايضا
يعنى البلد كلها عجزان
صح وكمان ما في عروسات ايضا
يعنى البلد كلها عجزان
h.NoUR- المـديـر العـــام
-
عدد الرسائل : 2880
العمر : 38
تاريخ التسجيل : 07/05/2008 -
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى