استفساراتكم الطبية ....... اسأل استشير

تسلمي يا دكتورة على الصرح الجميل ده واكيد الكل هنا راح يثق
ويطرح ما عنده من اسئله او استفسار

ماشى سارة
انا تقريبا يوم بعد يوم لما اصحى من النوم
بيمسكنى صداع رهيـــــب وما بعرف اتخلص منه الا اذا نمت تانى
في حل ؟؟

الصداع يا حسن له مليون سبب
فهو فى حد ذاته عرض مش مرض
ممكن تكون بتنام كتير او عندك ضغط او جيوب انفية او .........

وما هي جيوب انفيه واوقى نفسي ازاي؟؟

الجيوب الانفية هيه تجاويف فى الجمجمة متبطنة بغشاء مخاطى ومليانه هواء عشان تخلى حجم الجمجمة خفيف وتحمى المخ من الصدمات وكمان لها دور فى تون الصوت وهما خمس ازواج على جانبى الوجه وموصلة للانف (nasal,paranasal )
فلما الغشاء المخاطى ده بيلتهب نتيجة انه عندك حساسية او اتعرضت لدخان سجاير او اتعرضت لتراب مواد كيماوية ممكن تدمر الاهداب اللى دايما بتنظفها تنسد نتيجة الافرازات المخاطية وتكون بيئة كويسة لنمو البكتيريا فتحس بتقل فى راسك وصداع جامد وممكن رشح
ولو جاتلك (sinusitis التهاب فى الجيوب الانفية لازم العلاج عشان لا تتحول الى حالة مزمنة وتعانى منها

اي صح والله كلامك مضبوط
وانا عندى نفس الكلام الي انتِ بتقولى عليه
تسلمى يا دكتورتنا

اى خدمة

طيب بعد التحيه
انا مشكلتي اني مش بعرف انام
يعني نفسي انام حتي خمس ساعات في اليوم
طيب دا سببه ايه

اسباب الارق بتختلف من شخص لاخر يعنى
السبب الاول هوه التوتر والشد العصبى فلو كان عندك مشاكل بتعانى منها او حاجة بتفكر فيها فحاول انك متفكرش فيها وانت رايح تنام
ثانيا ممكن يكون بسبب الم عضوى زى وجع فى الاضراس او اى عضو فى الجسم
وطبعا الجلوس امام الكمبيوتر ساعات طويلة وتغيير عادات النوم وخصوصا كثرة السهر
وعدم احترام مواعيد النوم والنوم نهارا
علاجه اولا غير محبذ استخدام المنومات لانها تؤدى الى الادمان وتغيرات سلوكية ومشاكل فى اليوم التالى فكل ما نبتعد عنها يكون احسن
فطبعا لو بتدخن بطل وشاى وقهوة قليل وممارسة الرياضة حتى لو بعض التمارين البسيطة لها دور فعال فى التهدئة وتنشيط الدورة الدموية
وممكن تجرب بعض الاعشاب زى النعناع واليانسون والكركدية فعالة جدا

اولا مشكوره يا ستي
ثانيا مشكوره يا ستي
ثالثا انا مش بحب التفكير يعني مش بفكر ومفيش حد بيكبردماغه زيي
وثالثا الحمد لله مفيش مرض عضوي
ومفيش سجاير ولا حاجات مندي
ممكن يكون السهر شويه بس ساعات مش بنام غير ساعتين زي النهارده مثلا
والف شكر