حب صحى جدا

من طرف دكتورة سارة 2008-08-01, 1:51 am

هو = البيه الضاكتور
هي = الست الضاكتورة

هو : انا النهارده يا حبيبتى كتبتلك على خروج معايا وهناخد سوا جرعة الغدا اليوميه اتفضلى ادخلي

هي : ميرسي استنى افتح ايدك

هو : ايه اللى بترشيه ده برفيوم

هي : لا ده مطهر للايدين عشان انت مسكت الباب

هو : ده بقى من انظف واطهر المطاعم المكان هنا معقم جدا وهيعجبك

لحظه قبل ما تقعدى اتاكد ان الكرسي مفيهوش اى فضلات ملوثه ( المره دى يحرك الكرسي برجليه مش كل شويه هترشله مطهر على ايده ) اتفضلى استريحي

جرثوم ( ينادي على النادل ) ها يا ستى تحبى الغذاء بايه

هي : اللي توصفه يا حبيبى

هو : طيب من فضلك تجيبلنا 30 جرام لحمة مشوية كلوريد الصوديوم قليل وطبقين شوربة فراخ ياريت المية اللى هتتعمل فيها تكون بنسبة 5% محلول ملح وطبقين خضار سوتيه ويفضل يتسلق الخضار فى ميه مقطره استنى انا معايا 14 كيس اهم خدهم

والحلو يكون 50 سم عصير برتقال للدكتوره وانا تجيبلى شاي و تحليه بتركيز 25% جلوكوز

هي : ممكن اخد عصير موز باللبن

هو : لا يا حبيبتى كده الصنفين مع بعض هيتفاعلوا ويضروكي ده عشان يقوي مناعتك
مش هوصيك بقى الاطباق تكون معقمه فى فرن على درجه 600 درجة سيليزيوس ويفضل لو الشوك والمعالق تكون بلاستيك استعمال مره واحده فقط

الجرسون : تأمر باى حاجه تانيه يا افندم

هو : لا متشكر جدا بس ياريت تجبلنا الغدا كمان ساعه و16 دقيقه عشان العملية الايضيه بتاعة جسمنا متتلخبطش ها يا ست الدكتورة ايه رايك

هي : حاسه انى بقيت احسن دلوقتى

هو : يا ستى انا جايبلك هديه ونفسى اشوفها عليكى

هي : معقوله يا حبيبى ربنا يديك الصحه يارب انا كمان كنت حاسه وجبتلك هدية انا كمان

هو : يا سلام وعرفتي ازاى
هي : ابدا حسيت بنفس الاعراض

هو : ورينى الهديه بتاعتك الاول

هي : اتفضل يا سيدى بالشفا ان شاء الله

هو : ياه وتاعبه نفسك ولفاها فى صورة اشعة انتى عارفه انى بحب اللون ده

هي : أفتحها الاول

هو : ازازة دوا بشريطه حمرااا

هي : دى ازازة فاتح شهيه ومفاجأه فيها فيتامينات وحديد كمان هتلاقى معاد الجرعه كتبهولك على الشريطه الحمرا

هو : طيب يا ستى ربنا ما يدخل المرض جسمك ابدا شوفى بقى هديتى وياريت تخلينى البسهالك

هي : ايه ده مش ممكن مش مصدقة عينى علبة جوانتيات كل صوبع لون

هو : هاتي ايدك البسهالك

هي : طيب اروح دقيقة التواليت اصلح كريم الحساسيه واجيلك

هو : اوك يا حبيبتى بس اتاكدى ان البشره شربته

بعد 10 دقايق

هو : هاتي بقى اشوف المقاس مظبوط مال ايدك بترتعش كده ليه انتى لازم تعملي تحليل هيمجلوبين اكيد عندك انيميا

هي : عملته طلع كويس هروح اعمل تحليل غدة بكره ان شاء الله عشان اطمن وانت مال وشك بهتان شويه النهارده وعينك صفرا

هو : فعلا انا حاسس بشوية ارهاق متشغليش بالك

هي : اوبس معلش حصل خير

- كوز الميه اللى على التربيزه اتكب وبسرعه تمد اديها فى شنطتها وتطلع كيس-

( وتقوله : ولا يهمك امسحه بحتة الشاش دى ( أكثر فاعلية من المناديل

هي : شوفت الشريط الجديد اللى نزل السوق

هو : مش ممكن جميل جدا و بوستر الاعلان بتاعه فكرته جديدة وتشد

هي : ايوه ولا الحبايه بتاعته مغلفه عشان تحمى جدار المعده

انا جبتلك عينه تجربه وتقولى رايك

هو : اوك هبلعه بشوية ميه ونشوف

هي : يلا عشان تلحق النبطشية

هو : طيب الاسعاف مستنياكي بره هتوصلك للبيت

جرثوم

روشتة الحساب من فضلك

من طرف **a.tawela** 2008-08-01, 3:40 pm

هههههههههههههههههه

بصراحه حب ولا كلمه

من طرف **h.NoUR** 2008-08-01, 8:54 pm

ههههههههههههههههههههههههه
احاول اعمل مثلهم

من طرف ادول 2008-08-02, 2:35 pm

ههههههههههههههههه

ينفع كمان يكون حب محافظ على الصحة

ضايل يكون هيك حب بالمستقبل والله تصير الدنيا غريبة مع الايام

مرسي عسول سارة

من طرف فراشة الأحلام 2008-08-13, 7:29 am

يااااااااااااااااااااه

ايه الحب الصحى دا

ربنا يستر
انا غيرت رأى هدخل كلية تجارة خلاص

من طرف heba 2008-08-13, 9:42 am

انا غيرت رأى هدخل كلية تجارة خلاص[/quote]
Suspect

تسلم ايدك سوسو
صحي صحي مش عاوز كلام هههههههههههههههههه
وانتي دكتوره ربنا يسترههههههههههههههه

من طرف فراشة الأحلام 2008-08-13, 1:13 pm

ايه هبه
هى حلوه للدرجه دى

ادينى شوية معلومات عنها يلا

من طرف heba 2008-08-13, 2:14 pm

هي كويسه بس محتاحه دماغ شغاله علي طول
علشان فيها رياضه محاسبه ...... وفي حاجات بتحتاج حفظ دا انتي هتشوفي ايام ههههههههههههه
انا مش بكرهيك فيها هي بجد كويسه
الحاجه الوحيده اللي مش بحبها فيها الحفظ بكرهو جدااااااااااا
اما الارقام دي حبيبتي ههههههههههههههههه

من طرف دكتورة سارة 2008-08-13, 3:37 pm

مشكوريين يا جماعة عالردود الحلوة ده
ويا فراشة ادخلى طب يا بنتى والله حلو بس محتاج شوية مجهود
ومتسمعيش كلام هبة وتدخلى تجارة Very Happy

من طرف فراشة الأحلام 2008-08-13, 7:34 pm

تسلمى هبه بس انا مش بحب الارقام

اما انتى سارة فدا اللى فى دماغى ودماغ بابا وماما
عشان انا فى العيله دخله تحدى جامد اوى مع بقية الهبل اللى قدى

كلهم عيزين يدخلوا طب مع انهم فشله
وانا بتحداهم

ان شاء الله ادخل طب

ادعوووووووووووووووووووووووووووووولى

من طرف دكتورة سارة 2008-08-13, 7:43 pm

ان شاء الله يا فراشة نفرح بيكى قريب فى القستان الابيض قصدى البلطو الابيض Idea

من طرف heba 2008-08-14, 7:41 am

كده ياسوسو طيرتي مني الزبونه ااااااااا البنت انا كنت بعمل دعايه للكليه بتاعتي بس واضح اني فشلت بس انا روحي رياضيه هههههههههههههههههههههههه
ربنا يوفقك ياسنسن ياااااااااااااااااااااااااااارب وتدخلي طب Very Happy

من طرف **h.NoUR** 2008-08-14, 7:45 pm

انا بقى بقولك
ربنا يوفقك يا ست حسناء
وتدخلى طب بيطري
وتعالجي القطط الضاله Very Happy

من طرف دكتورة سارة 2008-08-15, 5:58 am

معلش يا هبة
خيرها فى غيرها بكرة تلاقى زبونة تانية ههههههههههه
وانتى يا حسن بيطرى ايه بس ان شاء الله بشرى يا فراشة Idea

من طرف heba 2008-08-15, 9:59 am

لالالا في حل تاني حلو هي ان شاء الله هتدخل بيطري علي بشري هو قسم جديد
وتعالج بقي بني ادمين وحيوانات .... وكل اللي انتو عوزينو علشان محدش يزعل هههههههههههههههههههههههههه

من طرف **h.NoUR** 2008-08-15, 3:11 pm

ههههههههههههههه
دي هترجع تورينا الويل الله يستر

من طرف دكتورة سارة 2008-08-15, 7:27 pm

ههههههههههههه
اه قسم جديد ده هيفتحوه للفراشة بس
واول واحدة هتتعالج عندها طبعا صاحبة الاقتراح هبة وحسن بالمرة يلا نخلص منه tongue

من طرف فراشة الأحلام 2008-08-16, 6:50 am

ههههههههههههه
بدخلونى ع مزجكم

انت يا ولا ياللى اسمك حسن
ايه بيطرى دى وشمعنا القطط يعنى
الله يخرب عقلك يا شيخ

والصراحة انا هفتتح قسم جديد
لمعالجة حسن نور
عشان اريحك يا سارة

وبالمره يكون ليا انا بس
دا هيشوف اللى عمره ما شافه حد
فى القسم دا

Evil or Very Mad

من طرف دكتورة سارة 2008-08-16, 7:15 am

هههههههههههههه
تمام يا فراشة عايزاكى تظبتيه بقى وانتى فهمانى Idea

من طرف **h.NoUR** 2008-08-16, 3:36 pm

ههههههههههههههههههههههههههههه
ان كيدهن عظيم
لما ابعد احسن
لما البنات بتتلم على بعض......... الله اكبر

من طرف دكتورة سارة 2008-08-16, 4:00 pm

هههههههههههههه
يا حسن ده انت بالذات هيبقى ليك معاملة خاصة فى قسم الفراشة وانا هاجى اساعدها عشان انت غالى علينا Twisted Evil

من طرف heba 2008-08-16, 4:14 pm

لا واااااااااااااااااضح انو غالي هههههههههههههههههههههههههههههههه
ياعيني عليك ياحسن وعلي اللي هيجرالك Idea

من طرف **h.NoUR** 2008-08-16, 4:43 pm

هههههههههههه
اااااااااااه معلش ماهو ما في حد جني هتتشطروا عليّّّ

من طرف دكتورة سارة 2008-08-16, 8:38 pm

هههههههههههههههههه

من طرف the_legend 2008-08-17, 10:52 pm

[b][i]هههههههههههههههههههههههههههههههههههههههههههههههههههههههههه
مشكورة سارة على الموضوع الجامد ده

حب صحى جدا

حب صحى جدا

رد: حب صحى جدا

رد: حب صحى جدا

رد: حب صحى جدا

رد: حب صحى جدا

رد: حب صحى جدا

رد: حب صحى جدا

رد: حب صحى جدا

رد: حب صحى جدا

رد: حب صحى جدا

رد: حب صحى جدا

رد: حب صحى جدا

رد: حب صحى جدا

رد: حب صحى جدا

رد: حب صحى جدا

رد: حب صحى جدا

رد: حب صحى جدا

رد: حب صحى جدا

رد: حب صحى جدا

رد: حب صحى جدا

رد: حب صحى جدا

رد: حب صحى جدا

رد: حب صحى جدا

رد: حب صحى جدا

رد: حب صحى جدا